$ لينا حكايات $
بقلم/عماد الأبنودي
*********
هتصدقني لو قولتلك ...!
إنك أنت نن عيني
نور و ضي دنيتي
و الحنين جوه سنيني
مهما تبعد المسافات
لسه باقيه لينا حكايات
و همسنا انا لسه فاكره
صاحي ليلو بالسعات
بيدور ياما على الأمال
اللي بعدت ف الغياب
طول ياما بعادها طاااااال
زود صعوبة في العذاب
ليه يا قلبى موعود بالكسرة ...!
أنت ناقصك تاني جراح
كل مدى تقابل كسرة
تزود نصيبك ف الجراح
أما عجيب فعل القدر
بيجمع دايما على هواه
و يفرق جمع و شمل البشر
و كل يبكي على ليلاه
النصيب اهو جااااي جاي
مهما يبعد في خطواته
ليه ميعاد مع بكرا الجاي
راح يسعد ليك أوقاته
ضحكتك ... ما تخبيهاش
و تخلي الحزن يخد مكان
إمسك بحياتك ماتسيبهاش
ويا حبيبك هتكون هيمان
،، بقلم ،،
عماااد الأينودي
28 , 11, 2023
0 التعليقات
المشاركات
