قصيدة بعنوان
بتسألني
بتسألني حبيتي فية ايه
او حبيتيني ليه
لما الشمس تطلع
وسط الغيم والمطر
ده يبقي ايه
ولما يطلع القمر
فليل العتمة
ده يبقي ايه
ولما يطرح الشجر
فعز الخريف
ولما الورد يزهر
وروايحه تخلي كل الكون يتعطر
ده يبقي ايه
انا بفسر
كل دول فكلمة
واكتب سطور
الأمل غنوة
وازرع بذور العشق فرحة
واغزل مالهنا فرحة
وساعات ابقي هيمانه
وسارحة فليلي
بعد النجوم ياما
انا مش بس بحبك
دانا فبحور العشق غرقانة
مد ايدك
خد بأيدي
دانت شرياني ووريدي
انت ياغالي الحياة
عشق بالغ منتهاه
حب ساري جوة مني
شوقي دايب
قلبي غايب
اتسرق فلحظة مني
انت دمعة فعيني حايرة
انت نجمة فليلي دايرة
انت فرحة نفسي انولها
هي كلمة بس قولها
بعدي عنك شيء محال
هي دي إجابة السؤال
هي دي إجابة السؤال
كلماتي
الشاعرة الشريفة
نفيسة عمارة
من ديوان بنت الاشراف
