.. كوني مثل مابدك تكوني. للشاعر. محمد جميل

كوني متل مابدّك تكوني

كوني دالية أو زيزفوني/ة

كوني سندياني/ة بالقساوي/ة

كوني ياسميني/ة بالليوني/ة

كوني من الندى أكتر طراوي/ة

وبيوم التحدّي لاتهوني

انتي العاصفة وانتي الهداوي/ة

وانتي الريح والنسمي/ة الحنوني/ة

عيونِك.كلّهن صحرا وبداوي/ة

بلفتي/ة قادرين يضيّعوني

وخصلاتِك روى عنهن الراوي

انشالله بيسلمولي يا عيوني

حبّيتِك وع الأيّام ناوي

خلّي الناس كلّن يحسدوني

ديّنتِك عشق لونو سماوي

وناوي بعد كتّر من ديوني

وإذا قاضي الهوى عدّا عداوي/ة

وقلّي شو بتطلب قبل شنقك

بقلّو بالجدايل يشنقوني.