من شعر العامية المصرية
ومن الشعر الغنائي
كتبت أغنيتي الجديدة بعنوان :
٠٠٠🌹( تعيش وتفتكرني )🌹٠٠٠
تعيش وتفتكرني
أكتر ما انت فاكرني
ولا تبعد عني ثانيه
ويقولوا عليك هاجرني
قلبي المشغول ندالك
مشتاق لجمال وصالك
ياللي بيسعدني قربك
وهواك دايما آسرني
وياك تحلا الليالي
وسنين عمري اللي جايه
وحنان قلبك واخدني
ولا شوفت معاه آسيه
وان غاب عن عيني طيفك
في الحلم أكيد بشوفك
وخيالك كل ثانيه
من غير مواعيد يزورني
ياللي بيسعدني قربك
وهواك دايما آسرني
قلبي اتعود في قربك
عالبهجه و السعاده
والمر بيبقي دايما
في إيديك سكر زياده
وعشان دايما فاكرني
يا حبيبي ومش هاجرني
بلاقيك في كل حاجه
بتجيني و تِسْتَشِيرْني
ياللي بيسعدني قربك
وهواك دايما آسرني
الأحد بتاريخ ٢٠٢٣/٣/١٢م
بقلم الشاعر ✍️ أشرف يوسف
ليست هناك تعليقات:
إرسال تعليق