وياكي
*****
وياكي وياكي
قلبي أنا سبتهُ معاكي
يعشق ويدوب فيكي
ولا يفارق هواكي
عقلي بيفكر فيكي
روحي طايره حواليكي
نفسي يا حبيبتي اراضيكي
دا انا ليكي قلبي نداكي
فرحي وياكي هيعود
ولا دمعه تزور لخدود
وياكي باكون مبسوط
عمري بحسبه بلقاكي
صوني عهدك صونيه
دا انا أموت لو يوم خُنتيه
دا انا عشقي مفيش زييه
في حكاوي دنياكي
وياكي همس الليالي
وياكي نجمي بيلالي
وياكي وقتي بيحلالي
والدنيا تغني لغناكي
وياكي وياكي
قلبي أنا سبتهُ معاكي
الشاعر السيد حسن....
ليست هناك تعليقات:
إرسال تعليق