وقت كلام (شعر غنائي)
*******
ده وقت كلام يا حبيبي
ده وقت كلام
وانا دايبه في هيام يا حبيبي
وانا دايبه في هيام
سيب العيون تتكلم
سيب الأيدين بتسلم
سيب القلوب تسلم
للهفه والغرام
وده كل الكلام يا حبيبي
ده كل الكلام
في عينيك باعيش
في عينيا عيش
ده احنا الليالي ملكنا
حضني يناديك
مشتاق إليك
حرام فراقك عننا
آدي القمر جي بالسهر
عشان يزين حبنا
وآدي المكان وآدي الزمان
والدنيا شاهدين حبنا
مد ايديك شوف بعينيك
شوف بعادك عامل ايه
دايبه في هواك قلبي معاك
رجع لي قلبي اللي انت فيه
يالا سلم يالا قرب
لي الهنا عطشانين
اشفي إإلم ارضي اظلم
كام سنه له محرومين
سيب العيون تتكلم
سيب الأيدين بتسلم
سيب القلوب تسلم
للهفه والغرام
وده كل الكلام يا حبيبي
ده كل الكلام
يا قمر يابعيد
شايفاك في عيون حبيبي
قلبي النهارده في عيد
جنبي روحي ونصيبي
قرب يا فرح زمان
شوقنا مالي المكان
ومعطر الهوى
عايزين م الدنيا ايه
كل اللي بنحلم بيه
مكان يجمعنا سوى
وادينا آهو ياليل
مليناك غُنا ومووايل
مهما ندوق الويل
الصبر آخره جميل
وحنان وغرام وهيام
وقلوب عايشه في سلام
يا سلام يا سلام يا سلام
وانسينا اللي كان
من قسوة الزمان
واتبدلت الأيام
مابقاش مكان لألام
يا سلام يا سلام يا سلام
واحلو الكلاااااام
وده كل الكلام يا حبيبي
ده كل الكلام
الشاعر السيد حسن....
ليست هناك تعليقات:
إرسال تعليق