.. مشتاق.. للشاعر. السيد حسن

مشتاق

*****

مشتاق تجيني تاني

مشتاق يرجع زماني

مشتاق دي عينيك أماني

ولحبك أنا مشتاق

بلاش كده يا غالي

تنسى حب الليالي

تنسى قلبي وحناني

والقلب اللي هواك

في غيابك والله عينيا

تايهه منها الحنيه

معاك الدنيا هنيه 

وليك انا قلبي أشتاق

مشتاقلك ليه ظلمني

حرام عليك ارحمني

تعالي وارحم ظني

وارحمني من الأشواق

مشتاق تجيني تاني

في إيديك فرح وأماني

ونعيد سوى الليالي

ونعيش على الوفاق

مشتاق تاني السنين

ترجعلي بالحنين 

وياك يا ضي العين

عمري عرف الصفاء

مشتاق لمسة إيديك

مشتاق حب وأمان

مشتاق نظرة عينيك

مشتاق ود الزمان

مشتاق والشوق قتال

سهرني ليالي طوال

خلاني أبات رحال

ما بين أحلام وفراق 

مشتاق مشتاق 

الشاعر السيد حسن....