سفير المحبة والسلام
الشاعر د. فهد المحمد الثاني
حب وحنان
وانسجام
راسي تلف يمين شمال
واتطلع في نفسي
ذبحني الهم والتفكير
و ذبات الروح وجسمي
تدري شو يلي مكدر
الخاطر و كاسرني
تدري شو يلي ينغص
الروح والعيون وقلبي
تدري أنت من دون البشر
كنت مرادي وغايتي
فقت من الصبح اعمل فطور ورتب البيت و نفسي
بتدخل من غير نفس
مغمض العنين وتمشي
تستبدل ملابسك وفي
وجهك فوراً للفرشة
بتنام لنصف الليل ولما
بدي نام تترك غرفتي
بالرغم اني لابسة ناعم
حرير و معطره جسمي
العقل بروح ويجي وبفكر
ليه نافر مني سندي
بيتي نظيف ومبخر
و مشمس و مهوي
الأولاد مثل الفل مهذبين
و شاطرين بالمدرسة
أهلي خفاف الحمل في
السنه زيارة واحدة عندي
نتحدث في العموميات
ومستحيل سرك افشي
ياأبن الحلال اتطلع بوجهي وإذا عندك شي احكي
بتذكر من سنين ما حكيت
معي كلمة تنعش قلبي
بهادل وشتائم ومحاسبات
وصراخ على الفاضي
من مال الله كلمة غزل
تذكرني في نفسي
قلي تسلم خيوط الشمس
تسلم العيون . رمشي
والله نسيت اني انثى
و الرموش و كرهت مشطي
شو يلي بدلك ياسندي
وزوجي وحبي وستري
ملكت الكون لما اجونا
خطار اهلك عند اهلي
سهرت الليل والقلب فرحان
نوبات اضحك ونوبات ابكي
حط راسه بالارض ابن عمي
و بدأ يسولف و يحكي
بنت عمي وغالية علي
كتير لكن متل اختي
انا حبيت بنت متل القمر
رح سري الك افشي
قلبي مشغول في بنت
على رؤوس اصابعها تمشي
كلامها حلو و مزيون
حديثها للروح يشفي
في حب وتفاهم وانسجام
و معها لقيت نفسي
شرطها متل الفريك ما
تحب معها شريك يوشي
أنت أديبة و حبابة لكن
باردة كتير بالفرشة
انا بصراحه رجال ومحتاج
عيش و نعنش نفسي
ضحكت وبكيت ونوبات
صرخ وفرغ عن صدري
من بعد عشرين سنه زواج
بده ياني بنت نغشة
زوجي تعرف على بنت
بالعشرين بترقص وتغني
يا ترى العيب في الطبخ
والغسيل ام في كرشي
فنيت العمر في خدمة الأولاد
ونسيت أهتم في نفسي
نصيحه لك ست في زوجك أهتمي و نفسك لا تهملي
أرضيه في بيت الحشمة
وفي الباب بالثناء استقبلي
والوداع بالدعاء و أمدحي
فيه قد ماتقدري وانفشي
الرجال طفل و سلطان
بحب الدلال أبدا لا تهملي
الرجال متل الحليب عم
يغلي بدقيقة يفور ويرغي
إن حكا أجلسي و أعطيه
الأذن وإن صرخ أبتسمي
الدنيا متل تشنج الأمعاء
نعناع مع كمون تمشي
وماهو عيب دلال الرجال
حلالك و كتابك عليه شرعي
الرجال ستر و غطا وأمان
ورفيق درب وفي كل شي
ما هو مطبخ وترتيب بيت
.افردي وجهك و ابتسمي
الموضوع إنسجام و مصارحة
وتفاهم وكلام حلو رومنسي
كلام يسر القلب وعتاب
خفيف بهدوئ الحياة بتمشي.
سفير المحبة والسلام
الشاعر د.فهد المحمد الثاني
ليست هناك تعليقات:
إرسال تعليق