أنت عمري
بقلم ماجدة البهيدي
=============
اتوعدنا من زمان
يا حبيبي بكلمتين
انك انت حب عمري
وان انا ليك نن عين
بحبك يا سيدي
يا دم في وريدي
يا بسمة في شفايفي
وطوق ع الجبين
بحبك يا غالي
يا سهر الليالي
بحبك و شاهدة
عليا السنين
انت جوه روحي
و بلسم جروحي
يا سري وبوحي
وأنا هشكي لمين
منك اه يا ناري
قولي ازاي اداري
ودايما في بالي
لو حتى روحت فين
حبك شوق كويني
ومكتوب لك تجيني
قرب واحتويني
شيلالك حنين
اسمع نبض قلبي
بيقولك وربي
يا كل حبايبي
ولا بعدك غالين
رمشك جه خطفني
وحن لما شافني
وقالي يا صابية
تعالي رايحة فين
اتلفت له قلبي
راح وياه وسابني
وفي ثانية شاغلي بالي
ولا فاكرة انا ابقى مين
على الحب وسنينه
قلبي الله يعينه
ده حبك حياتي
واحلف ميت يمين
2022/6/14
:
#ماجدة_البهيدي
:
ليست هناك تعليقات:
إرسال تعليق