.. ناس وناس.. بقلم.. كرم ميخائيل

*ناس وناس*

................

ناس تحب من جوا

وناس تكرة لبعضيها

وناس فاكراها بالقوة

هتتحقق أمانيها

وناس ف طبعها مروة

وتلقي الخير ف إيديها

وناس تاكل حبايبها

وناس تحب تديها

وناس تضحك من الفرحه

وناس الحزن كاسيها

وناس اللقمه أحلامها

وناس ما تصنش خير ليها

وناس عايشه لأيامها

وناس الأصل ناسيها

وناس مخلوقه من طيبه

وناس الشر في عينيها

وناس لو تغلط إتسامحك

وناس الأذى ماليها

وناس عايشه لحب الناس

وناس ربك ما يهديها

وناس العشرة ماتخونها

وناس بتنسي ماضيها

وناس تعرفها يوم تعلى

وناس إنت تعليها

وناس مرتاحه في الدنيا 

وناس الهم ساقيها

وناس تعشقها من نظرة

وناس ما تحس يوم بيها

وناس ربك بيخلقها

وناس ترحل خطاويها

#كرم ميخائيل