حبي ليك
بقلم سامي محفوظ حنا
حبي ليك
صورك ليا ملاك
عشقتك الروح
والقلب إتمناك
والعين إشتاقت
لرؤياك
وقبل ميعادك بالساعات
كنت بستناك
ويعدي اليوم
في ثانيه وأنا وياك
إتعلقت بيك
وقلبي داب في هواك
حبي ليك
صورك ليا ملاك
غمضت عيوني
ومشيت وراك
وكتير منك حزروني
ما سمعتش
غير صوت نداك
وقلت غيرانين منك
وبيتمنوا
يوصلوا لسماك
مستكترين
عليه حبك
وبيحسدوني
وأنا وياك
كنت فاكرهم
دايبين في هواك
وأتاريهم قبل مني
كانوا ضحاياك
حبي ليك
صورك لي ملاك
مشيت طريق
العمر وياك
وأنا فاكره طريق
جنتي معاك
وهو طريق هلاك
خدعتني صورة
وشك الملاك
وكان شيطانك
ساكن جواك
طرت ببه
لأعلى سماك
ورمتني في
جحيم الهلاك
نار حبك
اللي مبتنطفيش
لابتموتني
ولابتخليني أعيش
ولا قادر كمان أنساك
حبي ليك
صورك ليا ملاك
بقلم سامي محفوظ حنا
جمهوريه مصر العربيه
ليست هناك تعليقات:
إرسال تعليق