.. لن ابيع.. بقلم الشاعر. علي السعداوي

،،،،،،،،، ( لن أبيع ) ،،،،،،،،،

خايف والله فى يوم لتبيع

زى ماباعوا العتبة الخضرة

زى ماشافوا الناس بتموت

فى شاتيلا وصابرة

زى ماباعوا قضية أمة

يوم ماشافوا الدم 

بيجرى فى أرضي الطاهرة

يوم مارمينا فلوسنا ناحية برة

لاجل يصنعوا منها سلاح

يقتلوا ألف محمد درة

يقتلوا حلمى وحلم عيالك

يقتلوا فجر هيطلع بكرة

قلت ياصاحبي لازم يطلع فجر

جديد يشبه فجر أكتوبر وأكثر

يوم ماعبرنا ومن جوانا كثير غيرنا

يوم موقفنا مسيحي ومسلم

نرفع راية حب بلادنا

عمرى ياصاحبي فى يوم ماهبيع

عمرى ماخلى الأرض الطاهرة منى تضيع

لازم يرحل عنى وعنك ليل وخريف

لازم يدخل جوه قلوبنا حب نظيف

لاجل مايرجع لينا قدس شريف

عمري ياصاحبي فى يوم ماهبيع

،،،،،،، بقلمي/ الشاعر علي السعداوي