الاقصى
زجل /عبد المعبود اسماعيل
___
عسكر كتير متحضره
بيان غريب بيتقرا
بلفور يقول بمقدره
القدس بيضه مقشره
حيه كبيره مكوره
نايمه عليها مكشره
صبرا وشتيلا مسطره
في سجل يوم المجزره
الدم كاسات المخمره
عملوها ضحكه ومسخره
دمي في الرمله ياأمي
شميهادي رمله معطره
من الرمله وليدي راح يطلع
وهيمشي عليها بمخطره
شايل بيمينه قرآنه
وفشماله باروده معمره
قسما بالله اللي شايفني
وانا بانزف جوه المجزره
ماياخد تاري غير ابني
وبغيره تبقى المعيره
يصرخ وينادي ياوطني
لعدوي هتبقى المقبره
وكتاب الله في الاقصى
من تاني ياأمي هيتقرا
ليست هناك تعليقات:
إرسال تعليق