أسد مصر
بقلمى منصور ابو عبدالله
*********************
أول ما أبدأ كلامى اصلى على الرسول
محمد بن عبداللاه وبعد الصلاة يحلى القول
كلام زين وقول من القلب طالع معدول
وأحلى كلام اللى يطلع من القلوب قبل العقول
**** ما تصلوا بينا على الرسول ****
كلامى عن اسد وقف فى الازمه وشال بلد
قال انا ابن مصر واللى يضرها لسه ما اتولد
طول ما فيه نفس حاحميها من كل من قصد
مصر ارضها نور وترابها نار ورجاله من غبر عدد
**** ما تصلوا بينا على صاحب المدد ****
حأبنى واعمر واصنع وازرع وحأعدى المحن
وان كان على الازمه فدا من فعل وحكم الزمن
مصر وشعبها فى عيونى حاحرصها مهما كان التمن
انا السيسى ابن مصر حابنى بولادها من جديد وطن
**** ما تصلوا بينا على رسول اخر الزمن****
انا السيسى ابن مصر طريقى عارفه واعر بس حامشيه
ومهما دا قال ودا عاد ودا زرع فتن مصر فوق منيه
اسأل على المصرى وقت الشده والمحن دايما تلاقيه
وانا ابن مصر واتربيت فى الجيش انى بعمرى افديه
**** ما تصلوا على اللى الجزع بكى وحن إليه ****
فى كل بيت يا سيسى حتلاقى يذكر اسمك
وفى كل بلد قبل ما تروحه تسبقك هيبتك
ولو فيه واحد جبان مره عاداك اوكرهك
حتلاقى مليون مليون واحد اصيل بيحبك
****ما تصلوا على اللى يوم القيامه حيشفعلك ***
زمان كان الحرب شويه بارود وشويه نار
اماحربنا دلوك غزو جاى بيخرب عقول وافكار
بس الاسد واقف جسور بفكره بيحمى كل دار
احنا الصعايده بنقولك كمل واحنا وراك باستمرار
**** ما تصلوا بينا على نبينا المختار ****
بقلمى منصور ابو عبدالله
أسد مصر
ليست هناك تعليقات:
إرسال تعليق