.. شجن عصفور.. بقلم.. حنان خليل النماس

 شجن عصفور

شوفت عصفور حزين على الشجر 

دمعة عيونه لها قلبي انفطر 

سألته مالك  ليه شيفاك عليل 

فين الزقزقه والصوت الجميل

رد وقالي محروم من الحنين

من الفرحة اللى ماتت من سنين

وانا نفسي بجناحي للسما اطير 

واحضن الهوا بعد شوق طويل

جناحاتي مقصصه ما انا مسكين

نفسي افردها بين السحاب

وارمي همومي وكل العذاب 

نفسي في عش ولو صغير

يجمعنى بنصيبي يا قدير

واعوض عمري اللى فات 

بالهنا  ونعيش  في تبات 

ده حلم وحلمي يارب بسيط

تعوض صبرنا م الأذى والتخبيط

وتشيل الحزن من قلبه أكيد

ويزقزق من تاني بصوته الفريد

بقلمي حنان خليل النماس