بقلم الشاعر مجدي الشيخ
....لا يا أمي....
لا لا لا...لا يا أمي
أحضني فيا وبوسي وضمي
تاني يا أمي
أنا ماشبعتش من أحضانك
ولا من همسِك وسط كلامِك
عايش عمري دا كله عشانِك
واحضني فيا وبوسي وضمي
تاني يا أمي
مش مشغول عنك غير بيكي
مش بارتاح غير جوه عينيكي
حبي ف قلبي دا منك ليكي
واحضني فيا وبوسي وضمي
حبيبتي يا أمي
عاوز أفضل كدا قدامك
في صلاتك خليني إمامك
واتكلم مع حتى خيالك
واحضني فيا وبوسي وضمي
حبيبتي يا أمي
.. مجدي الشيخ..
ليست هناك تعليقات:
إرسال تعليق