أحكم يا قاضي
بقلم سامي محفوظ حنا
أحكم بينا وبين الحكومة
ياقاضي
طول عمري ماشي
جنب الحيط بعيشة الفقر
شاكر ربنا وراضي
بالرخيص أكل
وسد جوع أولادي
والملبس رديء
مادام يستر
بيه أنا راضي
الغالي بقى في العالي
والرخيص بقى غالي
والردىء اتكبر
وعليا بيتعالي
الفقر زاد ومنه بعاني
أحكم بالحق يا قاضي
يرضيك ننزل الشارع
نقاسم الكلاب لقمتها
ونحلم باللحمة
وما معناش
تمن عظمتها
دي بلدنا مصر
والكل يشهد لعظمتها
وإزاي يكون ده
حال أولادها
يرضيك كده من حكومتها
تشجع المستثمر
تديه أراضي
قال علشان
يكتر مصانعها
ويقضي على البطالة
ويشغل أولادها
وفي الآخر الضريبه
يتهرب منها
يمص دم أولادها
ينهب خيرها
والحكومة للفقير
تمد أيدها
تاخذ منه اللقمة
وتملا صناديقها
أحكم يا قاضي بينا وبينها
وبالحكم أنا راضي
بقلم سامي محفوظ حنا
4/2/2023
0 التعليقات
المشاركات
