.. ماتيجي نتفق.. بقلم كرم ميخائيل

*ما تيجي نتفق*

.................

ما تيجي نتفق

بينا يكون الوداع

لازم وهنفترق

وننسي عمر ضاع

أيامنا بتتسرق

وعرضه للضياع

أحلامنا بتتخنق

والحب لينا باع

*لازم حتما يكون

ننهيها بالرحيل

وكفايه للعيون

توها ومالهاش دليل

ضايعين جوا السكون

والعشرة مستحيل

خلي الفراق يهون

بذكرى يكون جميل

*يوم والتاني البعاد

بيفررق بينا اكتر

بلاش كتر العناد

بينا المسافه تكبر

هما يومين حداد

ونرجع تاني أشطر

ونقوى ع اللي فات

ونلقي حب اكبر

*ولا كنا يوم لبعض

ولا بينا جت مشاعر

حتي الكلام بعند

جوانا أيوا شاطر

صدقني بينا سد

مهما نحاول نعافر

خلي الفراق بود

الحب منا سافر

*هتقابل حد غيري

وهتنساني معاه

ما تقوليش صدقيني

إنتي طوق النجاة

الواضح والحقيقي

ماتت بينا حياة

خليك دايما صديقي

إخوات ..حبايب لا

#كرم ميخائيل