28 فبراير, 2025

أعلان الهيدر.. دار نشر تحيا مصر 🇪🇬للإبداع. المجله

أحدث المواضيع دار نشر

الاثنين، 6 فبراير 2023

.. عاش اللي شال.. بقلم.. محمد عبد العزيز رمضان

عاش اللي شال
كلمات الشاعر محمد عبد العزيز رمضان
عاش اللي شال
روحه على كتفه وقال
أنا مش هبيعك
حتى لو حملك جبال
مهما هضحي هنكوي
أودمي سال
رغم الهموم رغم المحن
عمره ما مال
صابر وصبره كان قوي
فوق الاحتمال
يابلدي خلاص اطمني
عندك رجال
واقفين أسود لو تؤمري
وقت السؤال
عاش اللي كان واقف
ببحميها الحدود
بطل حقيقي مش كلام
زى السدود
بيقول يا بلدي افرحي
عندك أسود
والخوف ما بينا عندنا
مالهوش وجود
نبني بإيدنا حلمنا
يكبر يعود
يصبح جناين والورق
تملاه ورود
نكسر سنين الحزن
ونحطم قيود
عاش اللي ضحى بعمره
كان واقف سعيد
رافع رايات النصر تاني
من جديد
وهزم جيوش متجمعة
في بورسعيد
وسلاحه كان قوة وعزيمة
من حديد
شمس الأمل هلت علينا
من بعيد
التعليقات
0 التعليقات

ليست هناك تعليقات:

إرسال تعليق

قناه دار نشر تحيا مصر

يتم التشغيل بواسطة Blogger.