♕ قوله هأعيش ♕
بقلم /عماااد الأبنودي
*******
صعب جداً تفرض نفسك
ع حد مش بيحبك
الحكاية مسألة مبدأ ...!
بلاش تجاري تملي عندك
إسمع ياما صوت عقلك
مهما كان عشق قلبك
خسارة قريبه مش تضرك
وما تستناش مكسب بعيد
و اللي فاكره يوم هيضمك
تبقا خايب بس و عنيد
حزن جرحك شيله لوحدك
طبطب عليه و السلام
و من فاتك ف عز جرحك
اوعي مرة تقوله سلام
اللي يقل منك سيبه
مادام عرفت كده عيبه
سلطان الهوى ده نزيه
عمره ما يكسر أبداً حبيبه
و اللي ضيعك دوما بالسهل
ماتبكيش عليه دموع العين
اكمنه خاين ولا يستاهل
مهما اختار بعده اللعين
قوله هأعيش و من غيرك
حأعرف أمشي ف الطريق
شكراً ليك .. و كتر خيرك
أنت طلعت أفشل رفيق
اتخدعت و غصب عني
كنت موهوم قال ب حبك
خدت حته جوه مني
و افتكرت راحتي جنبك
اتاريك بصراحة خاين
ماتستهلش تبقى حبيبي
دا الألم ببعادك أهون
إنك يوم تكون نصيبي
أصل العتاب للي يقدر
و يصون معني الغرام
إفهم مع روحك و فكر
لو لسه باقي ع الأيام
بقلم
عماااد االأبنودي
30 , 1 , 2023
ليست هناك تعليقات:
إرسال تعليق