*مش بلومك*
.................
*مش بلومك ع الخداع
أد ما الوم نفسي أه
ياما قالوا كتير بياع
وانا فاكرة إنك نجاه
جوا عشك عمري ضاع
ايوا بصرخ الف أه
قولها يوم خليك شجاع
إني جواك مش حياة
*كنت فاكرة بيك هاعدي
بيك هأحس كتير أمان
كنت حاسه بيك هتدي
أيوا فرحي مع الحنان
كنت عارفه إنه شكي
مش حقيقه لأ كلام
وإكتشفت لحظة إني
كنت عايشه كتير أوهام
*كنت تخدعني بحبك
وف مشاعرك دنيا تانيه
ياما قلت كتير بحبك
والكلام ما كانش ليا
كنتي صارحني بحقيقتك
ليه تمووت روحي فيا
ياما قلت إني حبيبتك
والحقيقه ايوا هي
*المشاعر ليه تبيعها
كنت قولها من البدايه
انك انت مش عايزها
كنت خليتها معايا
قبل ما افتح ليك تاخدها
ياللي جرحك كان نهاية
للافراح والحزن خادها
مني خلصت الحكاية
#كرم ميخائيل
ليست هناك تعليقات:
إرسال تعليق