من شعر العامية المصرية
ومن الشعر الغنائي
كتبت أغنيتي الجديدة بعنوان:
🇪🇬( تحيا مصر ( 🇪🇬
ياللي بجمالك يغني
قلبي ليكي ف كل عصر
ياللي شوقي ف بعدي
عنك
كان بيعصر قلبي عصر
ياللي من خيرك يا بلدي
عيشت واتهنيت يا بلدي
والنهارده جاي أقولها
بعلو صوتي تحيا مصر
كلنا وبعلو صوتنا
بِنَّادِيكي تحيا مصر
من طفولتي و لشبابي
لحد ما اكبر كاااام سنه
واحنا عايشين فوق ترابك
بالسعادة و الهنا
إنتي دنيتنا الجميله
وانتي رحلتنا الطويله
إللي بيها العمر يحلا
واحنا فوق أرضك يامصر
ياللي بجمالك يغني
قلبي ليكي ف كل عصر
كلنا وبعلو صوتنا
بِنَّادِيكي تحيا مصر
السبت بتاريخ ٢٠٢٣/١/١٤م
بقلم الشاعر ✍️ : أشرف يوسف
ليست هناك تعليقات:
إرسال تعليق