==== وداع وديع ====
وضاع الحلم مني
معرفشي ضاع مني ليه
تاه مني غصب عني
وبكايا يفيد بإيه
مهو راح اللي بحبه
بعد ما تعلقت بيه
وديع وف قلبي ساكن
يا ما كنت بخاف عليه
الموت يخطف ويجري
خد قلبي باللي فيه
خلاص مش عنت أغني
غير موالي الحزين
ودموع غصب عني
لو هبكي سنين
ياوديع يابن قلبي
سايبني للأنين
راح وديع حبيبي
راح أغلى الغاليين
مشتاق لنظرة منك
مشتاق للمس ايد
مشتاق لضحكه حلوه
تعيدني من جديد
أعيش حياتي تاني
وأقول تاني الأغاني
وأقول وديع معايا
بيجدد لي الأماني
يا أحلى فرحة كانت
وف لحظه غابت عني
سلام ياحته مني
مش راح أشوفك تاني
بقلمي
صلاح شعبان الفيداوي
القاهرة
١١/١/٢٠٢٣
0 التعليقات
المشاركات
