●●●●● صفحة من ضمن الكتاب ●●●●●
إنسحاب وإكتئاب
قلب تايه . حلمه غاب
جوه كدب الدنيا . داب
لما شاف النور . سراب
عاش في حالة . من العذاب
دمع عينه . في لحظة ساب
دا الفرح . مقفول عليه . ييجي ألف باب
لما جاب مفتاح هواه . شعره شاب
جاتله حالة إكتئاب
مش هينفع في الزمن . حتى العتاب
مجروحين . ماشين في سكة الضباب
والطريق . مليان صعاب
لقمة جاية بالوجع . طالعة من بين التراب
مكتوب عليها الآاااه . ولسة مليان الجراب
مهما يبقى الحر حاوي . مش هنزهق من الحكاوي
لازم اكشف الحجاب
أيوة مليان الدولاب
أصل حالة الاكتئاب
صفحة من ضمن الكتاب
●●●●●●●●●●
وكما تعودنا مهما نكتب ع الغلابة الكتاب مبيتمليش
صفحة من ضمن الكتاب
من ديوان ( خارج عن المألوف ) قريبا بإذن الله
شادوليات
شاذلي محمد عبدالرحمن حسين.
0 التعليقات
المشاركات
