ودعت حناني
***********
بقلم الكاتب
محمد عباس
الاسماعيليه
************
مين خلاك تنسي اللي شاريك
مين قساك علي حد غويك
بعد العمر ده كله وتهجر
ابعد وانسي ان كان يرضيك
انا ودعت حناني في طبعك
انا غيرت الامي في صبرك
ورضيت احلم اغير توبي
بعد ماكان قدري ومكتوبي
اطهرت في كل ذنوبي
لما رايت الاحمر طوبي
واتمنيت في السلوي حروبي
بعد ماقربك زاد في جروحي
انا مش هقدر اهجر وانسي
والا اعيش من تاني القصه
لما بكون محتاج احلامي
برجع وحدي اعاني الغصه
صفحه وصفحه وجوا السطر
كل مااضمه اشوف القطر
مزق كل جروحي و صمتي
قبل الفجر وبعد العصر
تاهت روح الطيب فينا
بقينا ننسي نشوف بعضينا
واتعودنا مرار في مآسي
واتفرق في حاضرنا معاصي
نمضي ونوعد سوا ع الصفح
بعد نفوسنا ماعانت طفح
واتحدينا نكون في الصرح
بركان غل وغطي السطح
لحظة وفكر قبل رحيلك
ازاي يفرح قلب اسيرك
جوا عيون الناس ونظيرك
اتغير وفي ثانية مصيرك
ليست هناك تعليقات:
إرسال تعليق