.. بتحلفيني.. للشاعر.. جمعه الجر

بتحلفينى..

احلف وماله...

أن ف جمالك.

مافيش مثاله...

وأنى اللى عاشق.

لليل وصاله..

فحلفينى ماتحلفينى.

وسهرينى ماتسهرينى..

اخلص لقلبك.

وأسهر عشانه...

    احلف وماله.

ماتحيريش قلب.

اللى حبك..

وماتنسنيش فى

القرب منك..

دى كلمه واحده.

تعمل عمايل..

قوليها ياللا..

وتبقى بجمايل..

هنيلى قلبى.

وحالى اللى مايل..

تحيرينى تعذبينى.

تشقلبلى قلبى وكيانه...

     احلف وماله...

يابسمه تروى.

عطش القلوب..

لسانى عاشق بسمتك..

لسانى بحلم.

وأسهر وادوب..

لسه بدور فين سكتك..

تقربينى او تبعدينى..

تزعلينى تفرحينى..

بتمنى قلبك..

المح خياله...

      احلف وماله...

            جمعه الجر