.. اجمع اطرح.. للشاعر. احمد عبد الحق

اجمع ..اطرح

ساعة تدمع..ساعة تغني

وترجع تفرح

هي حياه

ايوه  حياه

ساعة تعيشها بالطول والعرض

شاشة عرض

نجم حاضن نجمه هناك

ورده وطالعه من بطن الارض

نقطة وغيمة

تمشي هناك 

وتنزل ميه اتوضأ منها

يمكن الحق اصلي الفرض

هي حياه

ايوه حياه

مرة ساعات 

حلوة ساعات

لما بتضحك ..تضحك هي

بس بشرط

هي حروفك زي حروفي

ولا كلامك زي كلامي

مرة تحسي...مرة تشوفي

حد يجرب مرة ظروفي

ويحس بمبتور اليد

اطرح..اجمع

يمكن تقسم

جرب تسمع...حاول ترسم

مره حياه

مرة الحب اللي بتحلم بيه

احلم بكل اللي تتمناه

مخلوق يابني

احاسيس ومشاعر

من يومك وانت

اوقات ساحر

ولما بتحزن بتكون شاعر

عجيبة الدنيا

لما تفوق بتجري وراك

ولما تروق..تبص لفوق

في عز الفرح

تسرق حاجه من جواك

مكتوب ياقلبي 

تبقي وحيد 

تحلم بيها وانت بعيد

تكتم حزنك

تمسك قلمك

ترسم المك

انت في وادي

وهي في الناحيه التانيه هناك

احمدعبدالحق