مش هنسهالك. (شعر غنائي)
**********
مش هنسهالك إنك سبتني
وقت ماكنت محتاجالك
مش هنسهالك مسمعتنيش
وقت ما قلبي ندالك
وقت ما كنت غريقه
وفي عيوني البريئة
مليون نِدا عليك
ليه خلتني ضحيه
ليه بكتلي عينيا
وقتلت أحلامي بإيديك
أنا قولتهالك وحياة غرامك
هاعيش العمر كله مش هنسهالك
ليه جرحي بإيديك
ليه حيرتي في لياليك
وحياة الذكرى الحلوه
لَبنار البعد أكويك
مرحمتش يوم دموعي
وأنيني اللي في ضلوعي
ليه بدلت الغنوه
لدموع طفت شموعي
وحياة غدرك ياغالي
لتكون بعدي غريب
واتوه وسط الليالي
محروم لهفة حبيب
نظرة عينيه هااحرمك
لمسة ايديا هامنعك
ولا اقربك ولا اسعدك
ولا حتى يوم اسأل عليك
ولا حتى مره أناجي عينيك
ما خلاص زماني لغاك ياجاني
من شوق عيوني
وفر كلامك
دوب يالا في الليالي
وشمسي عنك تغيب
ياللي جرحك رماني
وسط النار واللهيب
وحياة قلبي وجرحهُ
اللي حرمتهُ فرحهُ
ليروح عمرك هدر
وتعيش ندمان بتبكي
من هجر قلبى تشكي
للناس وللقمر
ما أنا قولتهالك
وحياة غرامك
هاعيش العمر كله
مش هنسهالك
الشاعرالسيد حسن....
ليست هناك تعليقات:
إرسال تعليق