قبر الغلابه
بقلمى منصور ابو عبدالله
************
بقول يا قبر فين اراضيك
الشعر شاب والكلمة ليك
يا محلى السكن فيك
انت الحق والحق ليك
*************
خلاص النفس كلت من زيف وكدب
والصح موضه والظلم كاس يتصب
والكل تعبان من الحال وتاه الدرب
نعيش يوم فرح وباقى العمر كرب
**************
ياقبر فيك عبر ومين بس اعتبر
كل كداب فاز وخسر فينا اللى صبر
حالنا حال محدش واخد بالعبر
حتى العلم كان موضه وجبر
**************
واهل العلم ناقصهم علم
واهل الدين مناظر وعمم
واصحاب الكراسى عديمى الذمم
واهل الربط بقوا شرم برم
***************
العيشة فى وادى والمعقول وادى تانى
وعيشة الغلابه وضع مش انسانى
والغلا غول بياكل من غير توانى
يبقى ليه حق عيشة القبور تهوانى
****************
بقلمى منصور ابو عبدالله
قبر الغلابه
0 التعليقات
المشاركات
