.. ضاع الوطن.. بقلم.. ريما خالد حلواني..

ضاع الوطن  

ضاع الوطن وضعنا معو 

 عم يصرخ  من الوجع  

وما حدا عم يسمعو 

المواطنية بخبر كان 

والوطن كان  يا مكان بقديم الزمان 

راح وما عاد في أمان

 

اذا ما في مواطنية 

  كيف بدو يبقى وطن 

الضمير ودعنا 

الأمن غادرنا  الصدق هجرنا 

   صار الكذب من شيمنا

 

صرنا ع باب الله واقفين 

ما عاد الستر مخبى حدا

 كلنا صرنا بالعراء مكشوفين 

بس شوية حرامية وكذابين سرقوا هل وطن وبعدن عم يسرقو هل المجرمين

 

يلي بدمو الفساد ما فيك تغيرو 

لازم ينقلع من جذوره 

ونحنا أرضنا خصبة

 شوما زرعت فيها بيعيش وبتحلالو

يا ريت بترجع أيام زمان  بيتك بيتي شيمتنا التضحية والوفا والأمان

 

يا ترى شو مخبايتلنا الأيام 

العتمه خيمت ع قلوبنا

 وصارت طريق الحزن دروبنا

 كل ما مشينا بتسكر طريق صرنا مثل الغريق

    ما عاد شي يشيلنا  غير رب العباد 

هوه عارف بأحوالنا   

بقلمي ريماخالد حلواني