.. مش قادر.. كرم ميخائيل

*مش قادر*

..............

*أنا مش قادر علي نسيانك

أنا قلبي إختار يبقي عشانك

قولي حبيبي يا عمري مالك

ليه بتنساني وأنا قدامك

حبك آسر كل جوارحي

إنت منايا كمان وفرحي

حبك شوقه كمان بيصحي

ليا حياتي جوا أحلامك

*لون الحب وعيشته معاك

روحي طايرة جوا سماك

مين غيري قلبه بيهواك

مين غيري يتمني رضاك

اوعي مرة تقولي هأسيبك

إوعي تنادي إلا حبيبك

من غيري بختك ونصيبك

وإللي إتمني يعيش وياك

*إوعد قلبي بحب حقيقي

أصلي عشقتك إنت طريقي

ما إنت حبيبي وإنت صديقي

ومعاك فرحي أيوا بيجي

حبك سافر بيا حدود

الأحزان والفرح يعود

قولي معاك انا الموجود

إمسح دمعه جوا لعيني

*أنا مش عارف بعدك أعيش

انا فرحي بعدك وما ليش

قولي راجعلك أيوا مافيش

غير قلبك وياه وهأعيش

إنت الدنيا بكل ما فيها

شمس حياتي إللي تدفيها

فرحه وساند راسي عليها

خايف أصحي يوم ما تجيش

#كرم ميخائيل