آخر قصيده
#
أول قصيدة نظمتها مني لكي
كانت لرفقتنا بداية معركي
وتاني قصيده كتبتها نهدة نسيم
طلعت هديه وكل كلمه بمملكي
وتالت قصيده قلتها حبك عقيم
وجودك عا غيري جود جعفر برمكي
ورابع قصيده عذبت قلبي السليم
لمين بدي قول ضيمي وإشتكي
وخامس قصيده بكيت عيون الحكيم
عا قاتل بيشكي وجريح مابيشتكي
وآخر قصيده بقولها عاشق يتيم
اتمرد على قلبو وحكم بعواطفو
وسبحان من ريح عيونو من البكي
تركت المحبة ال كنت فوق وقيدها
ودشرت بنت القهر لل بيريدها
والخيمة ال كانت مضافة للهوى
دشرتها تبكي على عواميدها
وقصايدي ال كانت شرايع للهوى
يقطع لساني ان كنت بعد بعيدها
آخر قصيدة وآخر غرامي سوا
غصبت فكري وعزتي وكتبتها
وماكتبتها لوما كرامة عيدها
ياعيدها الغالي على قلبي كتير
الأغلى من الرحمة على قلب الفقير
أربع سنين بعيدك. بس السني
مارق متل شمعة على عيون الضرير
ياعيد عمري ما إلو عنك غني
بتبقى معي تذكار لليوم الأخير
ياريتني سلطان حاكم عالدني
بلغي العياد وبطلق الطير الأسير
وبعمل عا ذوقي عيد بالعظمة غني
يضل وحدو بالدني عيد الكبير
بسميه عيد الحب والعيش الهني
ومن ربيعو بمون الدنيا عبير
آذار يا لوحة خلود ملوني
يا مسكبة زنبق ويا موج الحرير
وبكرا متى عمري إنتهى وجسمي فني
ودّي الزنابق عا ضريحي يركعو
ويستقرضو مني البراءه والضمير
.
❤❤💯✌✌👌🏾
ليست هناك تعليقات:
إرسال تعليق