.. آهين وآه يازمن.. بقلم.. احمد عبد الرحمن صالح

ق:آهيـــــن وآه يـا زمـــــن 

ك:أحمد عبد الرحمن صالح 

⛩️⛩️⛩️⛩️⛩️⛩️⛩️

               📦

               📦

               📦

•تجيب منيــن يـــا جدع 

•والكل بقــــــــى صعران

•الناس مليهــــــا القسوة 

•والغــــــــــــل والعدوان 

•الرحمـــــــــــة تاهت بنا 

•ومعـــــــدش ليها مكان 

•بيـن النفــــوس الغاوية 

•تــــــدوس علـى الغلبان 

•فى دنيـــا صبحت عميا

•ومعـــــدش ليهـا ميزان

•فقـر وغــــــــلاء وتَشَرُّد

•والضــــرب فـى المليان

•والقوت صبـــح معدوم 

•بين ثــــــــورة الحرمان 

•الكُل بقــــــــى مطحون

•ومعـــــــدش فى إنسان

•وضميرنا مــات واِندفن 

•فى تُـــــــــــربة النسيان

•منيــــــن يجيب الجدع 

•فى زمـــان ملهش أمان

•قلوب مليهـــــــــــا الغل 

•ومعــــــدش فيهـا حنان 

•م الغــــــــدر مـش بتمّل

•والروح سايقهـــــا جبان

•مكر وخــــــــداع وأذية  

•وخيانــــــــــــة بالألوان

•والعيشــــــة ذُل فى ذُل 

•والكيل طفـــــــح بأوان

•تعبت م المـــــــــــرمطة 

•مبقتش غــــــاوي أتهان

•آهيــــــــــن وآه يـا زمن 

•لمـا الآصيـــــــــل يتهان

•والنـدل يصبــــــح عالي 

•ويزيــــــــد كمان وكمان 

•فى دنيـا حــالها مشقلب

•عايشنهــــــــــا بالغصبان

•يـا دنيـــــا عيب اختشي 

•وخفــــــي على الشقيان

•منيـــن هتيجـي الرحمه 

•والكُل ســـــاكنه شيطان

•عينـــى علــى دا الجدع 

•مظلــــوم فـى كل زمان 

               📦

كلمات:أحمد عبد الرحمن صالح