🌹🌿🌹🌿🌹 كافل اليتيم 🌹🌿🌹🌿🌹
ياشط بحر الكلام
سمعنا هنا صوتك
نادي على الأيتام
لم ف شراع خوفك
إبعد عنهم آلام
خليه كمان ضيفك
دا رسولنا خير الأنام
شاور على كفوفك
عَلّا ليك المقام
في الجنة وبكيفك
أكفل يتيم بسلام
يبقى الأمل سيفك
ما تقولش هدفع كام
دا الرزق هيجيلك
كلمة يا بابا بكام
لو قالها تحكيلك
وإبنيله ف الأحلام
يكبر قصاد عينك
يوصل بر الأمان
وبفرحة يدعيلك
ويا كافل الأيتام
بوسة على جبينك
🌹🌿🌹🌿🌹🌿🌹🌿🌹🌿🌹
قال رسول الله صلوات الله وسلامه عليه
أنا وكافل اليتيم كهاتين في الجنة
وأشار بأصبعيه السبابة والوسطى
صدق رسول الله صلوات الله عليه وسلامه
نحلق دائما خارج السرب
شادوليات
كلام القلوب
شاذلي محمد عبدالرحمن حسين.
ليست هناك تعليقات:
إرسال تعليق