**** آسف حبيبي ****
آسف يا نور عيني
ومنى قلبي
إن كان ساعات الوقت
عنك بيبعدني
لكن حبيب العمر
طيفك بيحرسني
ضحكة جميلة فوق
خدك بتاخدني
لدنيا جميلة فيها
هواك يدوبني
آسف حبيبي إن كان
الوقت عنك بيبعدني
إزاي تقول ناسيك
ومش فاكرك
وأنا كل ذرة جوه
مني بتشتاقلك
اسمع كدا تلاقي
قلبي بيندهلك
أنا أنسى روحي
وأفضل كدا فاكرك
ما أنت حبيب الروح
مليش حبيب بعدك
آسف حبيبي إن كان
الوقت عنك بيبعدني
لو بينا حبيبي
ألف سور ورا سور
هفرد جناح الحلم
وأوصل لضي النور
وأعدي فوق الصعب
وأطوى كل البحور
أملا عيوني بنظرتك
وأبقى فيك مسحور
لا يوم يبعدنا شجن
مهما تدور الدهور
آسف حبيبي إن كان
الوقت عنك بيبعدنى
********************
بقلم / مصطفى كرم
ليست هناك تعليقات:
إرسال تعليق