.. قلب حبيبتك.. للشاعر. احمد محمود

قلب  حبيبتك

لو  ضاق  عليك  المكان

في  قلب  حبيبتك

ارحل  وشوفلك  مكان

وكمان  غير  العنوان

واوعي  تفكر   ترجع

تاني  لنفس  المكان

هتلاقي  المكان  انشغل

وقعد  فيه  سكان

والراجل  الحر  ياولدي

عشان  يقعد

لازم  يكون  مالي  المكان

كلمتة   مسموعة  وسيف

مكان  ما تنزل  تقطع

وأوعاك  تقول

اهو  مكان  والسلام

لازم  تكون  مالي

القلب  و العين

والعقل  والبدن  كمان

ولازم  تكون  فارس

والحرة  ياولدي  تشيلها

جوه  العين  وتاج  عل  الرأس

أما  الخسيسة  ياولدي

ما  تسوي  فردة  مداس

وأوعاك   تقول  الحب

سلطان  ما يغلبوش  جان

دا  الراجل  الحر  ياولدي

راجل  في  كل  زمان  ومكان

وان  ضاق  عليك  المكان

في  قلب  حبيبتك

ارحل  وغير  العنوان

بقلم

احمد محمود

من ديوان حبة رتوش