،، ملاك يملاكدفا،، بقلم،، حمدي عبد الخالق الدوري

* ملاك يملاك دفا *

                      _________

   النهارده ولما ضهرى اتحنى

   فاكر أنا .

   كان عمرى بتاع خمستاشر سنه

   شمس فارشه . 

   وفرشه مكان بيت لسه ما كانش اتبنى

   قاعده عجوزه لوحدها متكلفته 

   وصاحبه أو صاحبتين صحبه

  متربعه أو متخمسه . متستته

   ملاك يملاك دفا ف عز الشتا

   وقتها كنت انا لسه الضنا

   مولود أنا .

   لسه يادوب من خمستاشر سنه .

   وضله كانت ترسمها الحيطان

   كل خطوه تعرفنا ساعة الأدان .

   تروح هنا تيجى هنا

   ترجع الشمس تانى ع البيبان .

   عتمة الليل مع الضي مونسنا الخيال

   ولمة الجيل حكاوينا ولعب العيال

   سهره مع القمر كانت زمان .

   أيام ما كان العيش والملح

   ناس ما بينا تمشى فى الصلح

   الخير ما بينا وفضلنا

   على بعضنا متصان .

   كنا هنا وسنى أنا 

   يصغر سنه أو كام سنه

   تحت الخمستاشر سنه .

   ________

                 حمدى عبدالخالق الدروى