،، تقصدي أيه،، بقلم الشاعر،، حسام بخيت

تقصدي أيه؟

لمّا تداري مشاعرِك جوّه كسوفِك

لما تكتِفي شوق ف عينيكي بخوفِك 

فِكرِك يعني مش هايشوفِك 

شايفِك مهما تداري عليه 

كل ده ليه؟

حَب جمالِك وأنتي كمان 

حبيتي جمالِك جوّه عينيه

حسيتي أيه؟

شوق ف عينيكي للمسة أيده 

نظرة حُب بيرمي بريدُه 

صوت ف القلب ينادي باريدُه 

و كل ما اشوفُه أنا باجري عليه

يبقى ده أيه؟ 

حُب ده ولّا القلب اتجنن

نظرة طلبها و قلت يحنن

حَن القلب إليه واطمن 

بَعت الشوق مرسال لعينيه

رأيكوا أيه ؟ 

ف القلب اللي انا خايفة عليه .

حسام بخيت