احضنيني.
عبدالله رجب ابوعدنان
احضنيني بعنيكي
وخبيني بين رموشك
لملمي جراحي
اوعى شيء ف الكون يحوشك
انا منك وانتي مني
ازاي روحي تبعد عني
يا حبيبتي نار بعدك تحرقني
انا قدرك ونصيبك
البعاد يعني نهايتي
مش بسهوله تنتهي حكايتي
واتحرم من لمسه اديكي
وسماع صوتك
احضنيني ونرجع اللي فات
اللي بينا مش مجرد ذكريات
قولي وبوحي بحنيني
العذاب ف سكوتك
ارحمي دموع عيني
غيابك زاد وجعي و انيني
فيها ايه لو تحضنيني
وتتنازلي حبه عن جبروتك
انا مشيت سكه طويله ف الغرام
اسمحي لعنيكي تقول الكلام
بعد كل سنين العشق
يكون مصيرنا الخصام
وبخوفك تقتليني
جربي مره تحضنيني
وخبيني بين رموشك
لملمي جراحي
واوعى شيء ف الكون يحوشك
احضنيني...
عبدالله رجب ابوعدنان
ليست هناك تعليقات:
إرسال تعليق