طوبه..
عبدالله رجب ابوعدنان
ف عز برد طوبه
كأن الدنيا مقلوبه
بتشتي وغيمه
والنفس بتتعارك
وبتحاول تلم بعضها
لو كنت بتحبها أو بتكرها
اتكيف مع الوضع الحالك
جمع عصي وخشب
ونار تسري كما اللهب
ف طوبه تشوف العجب
واكوم ف هدوم
واعدي يوم بيوم
وأسأل نفسي واقولها مالك
فتشوف مشهد مكرر
ع الرصيف وبترخ وتمطر
عيال صغيره وبتكاوح وبتصبر
وست عجوزه
ساكنه الطل
بتكح وتسل
تكره الملل
وخالتي معزوزه
ضحكت ف وشي
وقالت لسه أيام العجوزه
طول بالك
قيدت النار وقولت اشرب حجرين معسل
بردان وسقعان لكن لازم اكمل
واشد نفس والدخان يشبر
واكح وجع وألم
فيه ناس نفسها تقبر
وتوءد أي حلم
أو حتى بصيص أمل
خالتي المرادي مهزوزه
لأن طريق الإصلاح
كله مهالك
ليست هناك تعليقات:
إرسال تعليق