حبيتها
*****
من يوم ما حبيتها
وأنا تايه في دنيتها
مش قادر انسى عينيها
ولا بتفارقني صورتها
من يوم ما حبيتها
من يوم ما قلبي لقاها
دقاته دايبه في هواها
بتمنى أعيش الباقي
من عمري وأنا وياها
ارتاح يا قلبي خلاص
ويا أعز الناس
هتشوف الجنه معاها
وتدوق أجمل إحساس
راح تاخدك م الدنيا دي
لغرام أبداً مش عادي
في عينيها حنان بينادي
بيقولك انسى الناس
اليوم ده عندي غالي
وليلته ليلة الليالي
جاني الحب وفرحني
زارني وغير لي حالي
يا ليل يا قمر يا نجوم
م الليله مفيش هموم
نظرة عيون حبيبي
بتسعدني طول اليوم
بتاخدني لدنيا تانيه
مفهاش جرح وألم
دنيا معموله عشانا
كلها فرح ونغم
وحياه حلوه وجميله
أنا جايلك يا أميره
جايلك تحييني تاني
أنا من غيرك بعاني
تايه ولقيت عنواني
وعيونك الوطن
وأماني والسكن
وكل شئ جميل
حتى جنة عدن
معاكي حبيبتي لقيتها
من يوم ما حبيتها
وأنا تايه في دنيتها
مش قادر انسى عينيها
ولا بتفارقني صورتها
من يوم ما حبيتها
الشاعرالسيد حسن....
المشاركات
