.. عاوز ابكي.. للشاعر. السيد حسن

عاوز أبكى

*******

عاوز أبكى 

والدموع رفضاها عينيا

عاوز أبكى 

بصوت مسموع م اللى بيا

نفسي في آهه تريحيني 

تداويني ما تجرحني 

يا زماني لو تسمحلي

موجوع بكفايا عليا

فين القلب الطيب

فين الكلمة اللي تطيب

قلبي وقت الهموم

عايش في دنيا ظالمه

فيها أفراحي ضلمه

مكتوب أعيش محروم

غربه وكبرت فيها

دمعه وبشتاق اليها

صابر صبر الجمال

عمرى صعبان عليه

بيضيع قدام عينيا

والأحلام في ترحال

عن قلبي حبايبه راحوا

مفضلشي غير جراحهُ

وليل قاسي وطويل

وردي راويحهُ راحت

خدي دموعه باتت

في أنين ياناس تسيل

نفسي في آهه تريحيني 

تداويني ما تجرحني 

يا زماني لو تسمحلي 

موجوع بكفايا عليا.

الشاعر السيد حسن....