*** الحب بين الجسد والروح ***
سمعت كتير وشفت كتير
ع الحب ياما قالوا أساطير
أنه ولع وهيام وأشواق
وتبقى في قربه عاشق وأسير
لكن عشق الروح دا خيال
وهم تعيشه بدون أفعال
ساجن نفسك ف الأحلام
عايز تلاقيه وبرضه محال
الحب همس بين حبيبين
وكلمة حلوة من حرفين
لما تبص العين ف العين
فيدوبوا سوا أشواق وحنين
ويزيد جماله بسمة ولمسة
وأحضان تروي مشاعر حاسة
بلهفة وشوق بين القلبين
وخمر شفايف بالخوف كاسية
تقول الله ع الحب وجماله
دا غرامه بيزيد ف دلاله
بتشوف الدنيا بقت جنة
وحبيبك مفيش مثاله
قولت صحيح الحب جميل
ويا سلام لو تعشق وتميل
لروح هيمانة بيك وتحبك
ما تلاقي في الحب مثيل
حب الروح بدون أهواء
مش ضمة وقبلة في لقاء
أو حرفين يتقالوا بغنوة
وبعدها بعد ونار وبكاء
عشق الروح خالد وحقيقي
مهما بعدت طيفه رفيقي
ونظرة عينه شعاع من نور
تنور لي دربي و طريقي
يكفي دايما خوفه عليك
واهتمامه إزاي يرضيك
ودعوة جميلة لرب الكون
تدعي ليك ربنا يحميك
********************
بقلم / مصطفى كرم..
المشاركات
