ياللى زعلان و حيران و متذمر على احوالك
ياللى شغلتك تعباك وعربيتك مش عجباك ومحتار اذاى تشغل أموالك
ياللى شقتك ضيقه ومع جارتك مدققه ومغلبينك اولادك
تعال اقولك انا عايش اذاى وانت تعرف انك جميله اوى احوالك
انا اللى كان نصيبنا نعيش تحت خط الفقر
وعمرنا مااتمنينا أموالك
انا اللى بيتى خوص والكرسى مصطبه طين افرشها بقطعه من القماش الهالك
انا اللى بوتاجاز بيتنا بشغله بقش وورق مصنوع من طين دخانه يعمى عيونك
انا اللى مروحتى حته ضيله تحت شجره وقت المغربيه وأدفى بحتته شمس نازله تحت شباكك
انا اللى سريرى على الأرض مفروش من كل اللى بيرميه ومش مناسب لامثالك
انا اللى اكلى على ادى واليوم اللى بخير يعدى اقول يارب شكراً على افضالك
بس عمرى مافكرت انا ليه كده وضحكتى صافيه متجدده وبقعد أغنى وايامى احلى من ايامك
اصلى جوايا رضا وصوته جوايا صدا بيوعدنى يقولى هاعوضك عن اتعابك
شاكر وفرحان ولايوم اقوم زعلان وازعل اذاى وربنا عاش فقرى وقال جيت فقير علشانك
ياللى غضبان ومش شاكر شوف حياتى وخليك فاكر أن فيه ناس أقل بكتير تتمنى ربع أحوالك
اشكر هيعطيك كمان وكمان افرح وارمى وراك الاحزان سبح واذكر خالقك وعلم الرضا لأولادك
كلنا هنعيشها رحله وبنتوه وسط الزحمه سواء اكلنا فول أو اتمتعنا باللحمه افتكر الأرض مش ديارك
كلنا متغربين عليها ضيوف ساكنين أشكر بارك ارضى وفرح ربك بصلواتك
مرثا بولس
المشاركات
