https://www.facebook.com/groups/305814600438007/permalink/655590458793751/

،، مصر بلدنا،، كلمات،، رزق جادو

مصر بلدنا عايشين فيها

 وجوه قلوبنا هيا تعيش

 انت المصري ابن المصري

 ارفع راسك يلا وعيش 

عايزين نبقى الكل في واحد

من غير عنف أو تهميش

ازرع  قمحك  جوه في بلدك

واخبز كحك واخبز  عيش

مصر  أمانة أرض كنانة 

اعظم شعب وشرطة وجيش

ساند بلدك ضد الخونة

مصر تنادي ماتسبنيش

ام الدنيا  وقد الدنيا

زيها عيني ماورتنيش 

مصر  بلدنا عايشين فيها 

وجوه قلوبنا هيا تعيش

انت المصري ابن المصري

ارفع راسك  يلا وعيش

كلمات وأداء

الشاعر  الفنان رزق جادو 

 مصر .. دمياط

https://www.facebook.com/100007607706714/posts/2518960225034210/?sfnsn=scwspmo

،، خيط في المحيط،، بقلم،، ربيع عبد الظاهر

خبط ف المخبط

     ....................

     خبط ف المخبط

     تسلك لك سكتك

     أمشي في الشمال

     وانسى محبتك

     وان قالوا عليك كلام

     عرفهم التمام

     سَبّتهم في المكان

     وعرفهم دنيتك

     ...............

     قول الزمن زمانّا

     معدش فيه احترام

     شَغَل حمو بيكا

     وشاكوش ف المهرجان

     واتنين تلاته منهم

     وخبط في الكلام

     اعمل نفسك محشش

     وكله ف الامان

     .............

     متخفش مفيش مرور

     وان جه هيعمل ايه

     ما خدنا ع التسيب

     هيزقي ف أرض بور

     أياك تعدي حد

     هوه انت اي حد

     صَدّرها في المِصَدّر

     يا ماشي بعقل طور

     ................

     العيب ويا مين

     عيالنا وربناهم

     طب وعيال الغريب

     م الذوق ليه محرومين

     حلفتك  بالقَسَم

     ما تعيب ف الزمن

     ضمير في الزحمه ضاع

     وولادنا ف الضياع

     إياك تقول لواحد

     ما تخُش في اليمين

     ومين هيقول لمين

     وياما سعد قالها

     يا اخوانا مفيش فايده

     دا قالها من سنين

     

ربيع عبدالظاهر

،، دنيا الشعر،، بقلم،، عبدالله رجب ابو عدنان

دنيا الشعر..

عبدالله رجب ابوعدنان

ف دنيا الشعر

ناس تمشي على خيوط الصبر

وناس تسكن قصر

وناس تحكي عن الوجع و المر

واللي بيكتب غزل

لكن الجرح ما اندمل

وانا م الجراح جسمي ثمل

وناس بتلعب على أوتار الأمل

وناس بترص طوب

يمكن لأن صابعه معطوب

الليل زي الغروب

وضفاير الحزن نار و جمر

وف دنيا الشعر محاسيب

قصور ثقافة والاعيب

دا بوي فرند ودا حبيب

وانا من كل دول وحدي غريب

بشوف ف الغلابة عمر

وناس بتاخد ب الشكل

مزة وعصاير و أكل

يا صاحبي اصبر على مهل

اتوضا وصلي العصر

وف دنيا الشعر مظاليم

فنان ومبدع لكن معدوم

عاش عمره محروم

وبين أهله مظلوم

يدوب الرزق يوم بيوم

ومصاحب النظم و الفقر

وتاتو ورسم ووشم

وضحكة صفرة سم

غلا وبكا وألم

الشعر مش بس قلم

احساس نابع م الصدر

وشاعر فز من غير فلوس

متباع ف زمن رخيص

ومع نور من بعيد بصيص

عندي درر ونفيس

وراضي بالنصيب و القدر

،، سأبوح،، بقلم الشاعر الأديب،، ايمن عز الدين سكوري

••••••••••••••••••• ( سأبوح ) ••••••••••••••••

  سأبوح إليك سرا دفينا 

                               ظللت أخفيه عنك سنينا

  حتى صار الصبر منى 

                                   ضاجرا وأمسى وهينا

  حبيبتى منذ الصبا وأنتى 

                                   هواك فى قلبى مكينا

  وقد عشت الأيام منتظرا 

                                  بسمة من محياك ولينا

  وقلت غدا ستلمح ياقلبى 

                                      عيناى الملأى حنينا

  وتشعر مابنا من وجد 

                                  لم يبرحنا ياقلب حينا

  ويؤرق جفونها الشوق مثلى 

                                   فنحيا عشاقا حالمينا

  ونرتشف من صفو الغرام 

                                    مايبل ظمانا ويروينا

  ولكن توالت الأيام وأنا 

                                    كما أنا وحيدا حزينا 

  وأنتى فى خيلاء وكبر 

                                  ماعرفتى أبدا شجونا

  فلا رحمتى قلبا معذبا 

                                ولا رحمتى دمعا ثخينا

  آه يامن كنت حبيبتى 

                                    لن أعود لهواك يقينا

          ~~~~~~~~~~~~~~~

                                      الأديب الشاعر 

                               ايمن عزالدين سكورى 

                                       الإسكندرية 

                                       من مدونتى

                               صداح فى بلاد غريبة

،، قصيده،، الشوق والحنين،، بقلم الشاعر الأديب،، جمال احمد طلبه محمد

قصيدة (الشوق والحنين)

وترجل قلبي يردد الدعاء

لملاقاة حبيبا له قد هجر

وبشوق للحبيب كله ولاء

كاشتياقه لخله عند السفر

يهفو فؤادي لجميل اللقاء

كشوق الطير لطيب الثمر

ورائحة الشوق عند اللقاء

كرائحة الأرض بعد المطر

وهطول المطر من السماء

يعزف بوتر الثرى والحجر

أناجي غناء الطير بالفضاء

يرقص شوقي لعزف الوتر

تزفه الطيور فرحا بالغناء

كقائد فذ بالمعركة انتصر

ويتمنى البؤساء له الفناء

وكأنه لكل العشاق احتكر

فدعا قلبي يبتغي الرجاء

أن يبعد عن الأحبة الخطر

فالحب مقياس لكل عطاء

 كزينة وتاج رؤوس البشر

بقلم الشاعر الأديب جمال أحمد طلبه محمد

المنصورة الدقهلية جمهورية مصر العربية

الإثنين (٢٠٢٢/١/٣)