ربيعكم نار
محمد أبوالحسن
**************
قالوا الربيع جاي
والدنيا هتبقى عمار
والورد اللي نشف على
عوده بكرة هيملا الكون
أزهار
والعدل هيبقى فيها
للركب والظالم خلاص
انهار
والفقير هيورِث الغني
والليل طلعله نهار
قلتلهم ياناس ازاي
والدنيا والعة نار
وفتنة في كل بيت
والجار يكيد في الجار
وحريقة في كل شارع
والدم صار أنهار
والعنف طال الجوامع
وفوضى ليل ونهار
والكل شايف وسامع
السحل وضرب النار
ولاعاد حد فينا عارف
داجد ولا هزار
والكلمة فوق عالشفايف
بينا وبينها جدار
والكل مرعوب وخايف
مايطلع عليه نهار
لما ربيعكم كده ياشلة
الأشرار
يبقى خريفكم إيه
غير حرق بمية نار
ربيعكم كان مسرحية
ضيعتوا فيها بهية
ونزلتوا الستار
وحسن قلع الطاقية
وكل درجاته اصفار
محمدأبوالحسن
