،، الحساب مغلق،، بقلم الشاعر،، صبري رسلان

الحساب مغلق  (402)

..................

صعبان عليا شكويتك

تنكر ما ليك  ..

ودموع عينيك بتكدبك 

فاضحه اللي فيك

ناسي اللي ليك 

وده توب كاسيك 

هتعري حالك 

عايش في دور 

مظلوم أنا والكل باعك

غمض عيونك وإفتكر 

مين أولى بيك ..

أمس اللي ربا وإتنسى

ناكر وجوده ..

وقطعت في 

حبال الوصال

عليت سدوده 

فكرك ده بكره هينصفك

ده فى علم غيب 

والماضي سندك عزوتك

ليه تكون غريب

إرجع لنفسك خطوتين

أسأل ده ليه ..

بتعادي أهلك عزوتك 

وده كله ليه ..

تحرم خواتك من الميراث طمعك عاميك

ضامن تعيش والعمر 

لحظه بين أيديك

بدموع عينيك 

إبكي بندم هون عليك

واللي ظلمته بقسوتك 

له دين كاسيك ..

مسحوب رصيدك من سنين مقفول حسابك

ولا حتى كلمه طيبه

تنصف جنابك

إمتى تبص لأخريتك

وإرضي اللي ليك 

لا جيوب تكنز

في الكفن ولا مال حاميك

دي النار وقودها حضرتك وهتناديك

بقلم .. صبري رسلان