حزين
٠٠٠٠٠٠
بكتب اللي حاسه حزين
بكتب اللي عايشه حزين
يا كل الأيام يا كل الألام
يا كل لحظات السنين
اعمل ايه ف غدر البني أدمين
حزين أه أه حزين
يا حزن يا ماليني
داريني عن العيون داريني
وخلي الظنون بينك وبيني
ومهما يكون مش هايكون
اكتر من اللي شافته عيني
ياحزن يا ماليني
قلبي هو اللي بيبكي
مش عنيا
قلبي هو اللي بيشكي
من لياليا
كل الكون خاذلني
واحساسي المجنون مانعني
أكدب أه واخون أه وأبيع
كل اللى بايعني
وكل اللي هنت عليه
يهون أه عليا
قلبي هو اللي بيبكي
مش عنيا
كل الكون خاذلني
والحلم الملعون ساجني
و ف عالم الأوهام قاتلني
ملعون بدقاتك ياقلبي
ملعون ب آهاتك ياقلبي
وملعون حب الإخلاص
ونبض الاحساس اللي ذلني
قطعي ف القلب الحنين
ب كل قسوة يا كل السكاكين
اعمل ايه ف غدر البني أدمين
حزين أه انا حزين
أبخات وأسعاد يادنيا
وانا بختي أهات يافانية
رميت بذرة الحب والحنان
طرحت كذب وألم واحزان
وشوك الجحد ف كل مكان
ودموع القلب من الحرمان
ساجنة المطر ف العين
ياكل الأيام ياكل الألام
ياكل لحظات السنين
اعمل ايه ف غدر البني أدمين
بكتب اللي انا حاسه حزين
بكتب اللي انا شايفه حزين
حزين
بقلم على عبدالرحيم محمد
ليست هناك تعليقات:
إرسال تعليق