صفحه. 1.
"أخرتها ايه "
أخرتها ايه
حبة وجع
دمع وفراق
خوف وقلق
بعد حب كبير
شلته عشانك ف الضلوع
بعد صرح بنيته
و إنطفت فيه الشموع
إفترقنا
وشوقى ليكى
نيران
فى قلبى بتحترق
وانا كنت بيكى
وعشان عنيكى
دموعى
برسمها ف الورق
الصمت بينا خلاص
ساد كل المعاني
حتى لسانى
خايف يقولها
من الوجع
أخرتها ايه
أخرتها بينا خلاص
حبة وجع
على حب هان
على قلب خان
و قلب إنخدع
قطار العمر
لما قطار العمر
يعدى
لما عيونك
تعشق بعدى
سعتها وحدى
بس أموت
لما الفرحه
تكون مكسوره
فوق الوش
مجرد صوره
ولا الدمعه
تكون محبوسه
تصرخ
بس بدون ولا صوت
سعتها وحدى
بس أموت
لما سنين العمر
تعدى
وانتى بعيده
لما اشوفك
ألائيكى
برضه حزينه
ولا الفرحه
اللي فى عيونك
مره تموت
لما أتوه عنك
وأتغرب
وأنت معايا
وديما أقرب
لما كلامك
يبقى سكوت
سعتها وحدى
بس أموت
نقطة ضعفي
هى عيونك
شجنى و ألمى
هما سكوتك
حتى سكوتك
يعنى الموت
لما قطار العمر
يعدى
وأفضل أنادى
بدون ولا صوت
وأنت بعيده
وقطار عمرى
يصرخ...يضحك
ويقول توت
سعتها وحدى
بس أموت
صفحه. 3.
الاقصى لازم ينتصر"
بكل الصمود
ضربوا المثل
صدوا القنابل
بالحجر
والمدفعيه
والصاروخ
والطائرات
والرصاص زى المطر
وأدى العرب
لسه نيام
رايحين ينادوا بمؤتمر
يله نعقد
كل يوم
ميت مؤتمر
ياريت يفيد
ولا يداوى
جراح البشر
ميت شهيد
كل لحظه ينقتل
وعيون حزانى
وطفله
في إيداها الحجر
رايحه تدافع
عن أرضها !
ولا إمها !
طب نفسها !!
مين هيحميها من الخطر
الانتفاضه را ح تعود
راح تدوم
بركان عليكم وانفجر
ولابد من يوم
هيجى
ويعود له
من تاني عمر
ليكم النهارده
بقول لكم
يا شيمون
يا شارون
يا باراك
مهم عليتم
ولا افتريتم
راح يجى يوم
والأقصى لازم ينتصر
منه
سأظل أشدو
نبض الحب سيدتى
رغم كل آهاتى
وسأقضى باقي العمر
أبحث في عينيك
عن ذاتى.
ستظل شمسك لحنا لقافيتى
ستظل وحيا لأبياتى
فإن تاه العمر فى دربك
أو ذبل يوما لدمعاتى
فقولى بانى
قضيت العمر
أبحث عن عشقى
أبحث عن ذاتى
أبحث عنك سيدتى
وعن أحضان مولاتى
صفحه. 5.
حبة وجع
حبة وجع
باينه
من بين الجفون
ساكنه جوايا
بتحرق اى لون
نار في قلبي
منها بعانى
نار بتاكل
كل المعانى
والامانى والظنون
ليست هناك تعليقات:
إرسال تعليق