........ ي مشيطنة ........
ي مشيطنة شو عليكي يلبق المريول
جمال وحلا والشكل مش معقول
ياما مقابيلي كنتي تفكفكي الزنار
وفيكي كنت اتغزل وأو صفك وقول
غمزات عينك كنتي تشلحي عليي
بضحكة لطيفة تولعي النار فيي
بفكري صرت إسرح يانو ر عينيي
وطول وقتي بمفاتنك مذهول
ي مشيطنة البنطال شو يلبق عليكي
مزرك ع جسمك لابس اجريكي
كل الجمال رب الكون عاطيكي
طلبي دمي مع دمك يكون مجبول
بباحة المدرسة كنتي تنطوطي
ولما تميلي فيي كنتي تعربطي
ياما علي تتدلعي وكنتي تشرطي
طيلة الأيام بعشقك أنا مشغول
كبرتي والحلا كبر فيكي
وزاد الحلا بكل معانيكي
ورود الحب زرعتا حواليكي
منها بشم أجمل عطور
لما بيناتهن بكون عم جول
....
شاعر الرقة والجمال
ابو وسيم صوفان ...... سوريا
2/2/2023
0 التعليقات
المشاركات
